شروط الاستخدام وإخلاء المسؤولية

آخر تحديث: 21 أكتوبر 2026

«فرصة» منصة إعلانات تقنية للربط بس. الصفحة دي بتوضح دورنا بالظبط وبياناتك بتتعامل إزاي، علشان ميبقاش فيه أي لبس بيننا.

1. 1.«فرصة» منصة إعلانات تقنية بس، بتعرض إعلانات بيكتبها أصحابها. إحنا مش وسيط ولا سمسار ولا وكيل عن أي طرف.
2. 2.المنصة مش طرف في أي بيع أو شراء أو اتفاق، ومش بتستلم أو تدفع أو تحتفظ بأي فلوس لأي حد.
3. 3.صاحب الإعلان وحده مسؤول عن صحة البيانات والصور والأسعار والأقساط المتبقية وملكيته للشقة أو العربية.
4. 4.المشتري مسؤول إنه يعاين بنفسه ويتأكد من الأوراق والملكية والمبالغ المتبقية مع الجهة المختصة قبل ما يدفع أي مبلغ.
5. 5.أي اتفاق أو دفع أو نقل ملكية بيتم بين البايع والمشتري مباشرة وعلى مسؤوليتهم، والمنصة مش مسؤولة عن أي خسارة أو نزاع أو ضرر.
6. 6.العروض اللي بتتبعت على المنصة تعبير عن اهتمام بس، ومش ملزمة لأي طرف.
7. 7.استخدام الموقع مجاني بالكامل ومن غير عمولة لفترة محدودة بمناسبة الافتتاح، ومن حق المنصة تغيّر ده بعد إعلان واضح.
8. 8.من حق المنصة تحذف أو توقف أي إعلان أو حساب مخالف أو مشكوك فيه من غير إبداء أسباب.
9. 9.الإعلانات وصورها وبياناتها ملك أصحابها، والمنصة بتعرضها بس علشان توصل الناس
10. 10.الشروط دي تخضع للقانون المصري، وأي نزاع بيختصم قدام محاكم مصر.
11. 11.استخدامك للموقع معناه إنك موافق على الشروط دي.

مستنداتك وبياناتك

• •صورة بطاقة الرقم القومي وإثبات الملكية اللي بيرفعهم صاحب الإعلان بيشوفهم فريق «فرصة» بس، للتحقق من جدية الإعلان.
• •المستندات دي مش بتظهرن للمشتري ولا في أي صفحة علنية ولا في نتائج البحث، ومش بتتشارك مع أي جهة.
• •بنستخدم رقم الموبايل للتواصل والتحقق بس، ومش بنبيع أو بنأجر بياناتك لأي جهة.
• •الموقع مفيهوش دفع ولا بوابة دفع، فمبنطلبش ومانستلمش بيانات بنكية أو أرقام بطاقات.
• •لو حذفت إعلانك أو عايز تمسح مستنداتك من عندنا، راسلنا من صفحة «تواصل معنا» وهيتعمل اللازم.